【望做打女】余曉彤離婚後獨力湊女 疫情影響被困家中學業進步神速

更新時間 (HKT): 2020.03.14 17:32

余曉彤(Hidy)去年經歷和消防員老公劉健明離婚,和前夫共同承諾一起撫養4歲女兒Willa,現在Hidy正式簽約新公司重新投入工作,今日她到九龍城一間火鍋店義助派口罩給長者。

面對香港疫情,Hidy會守望相助,家中有足夠存貨,希望能夠幫助別人,4歲囡囡十分理解,灌輸女兒戴口罩時不算艱難。現時學生停課,Hidy每日為女兒搵節目,她說:「近日阿女學識寫自己中英文姓名,對生字進步神速。」Hidy平時熱愛行山,近日擔心山上多人,不敢帶女兒上山體驗玩樂,在家中享受其他運動。

現時Hidy盡量獨力照顧女兒,如工作繁忙都會交給前夫幫忙湊女,至於囡囡想法?Hidy說:「小朋友較易適應,盡量喺佢面前我哋都畀最大嘅愛佢,等佢健康成長,呢個係當日大家承諾。」現時她已經搬離愛巢一段時間,重拾單身生活,Hidy說:「最難捱時間都捱過咗,過去由佢過去,展望將來,唔好嘅結局帶出更好未來。」

Hidy簽約新公司向電影方面發展,正努力裝備自己操fit練打,希望能夠做打女及接觸至愛運動題材,可以上山下水,Hidy初出道時走性感路線,由o靚模變做模媽,如今還會性感演出嗎?她說:「大個咗性感好內在,經歷咁多我都覺得自己好性感,成長咗,以前到依家經歷人生好多體會。」

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner