【豪宅曝光】39歲莊思敏出嫁 疫情下雙方父母用視像見證婚盟

更新時間 (HKT): 2020.03.15 21:10

恭喜!恭喜!39歲的莊思敏(Jacquelin)今日與台灣珍珠奶茶店老闆楊秉逸(Brian)結婚,正式做楊太。Jacquelin今日在facebook上載婚禮片段,由朝早準備到簽紙一刻,最後成功將花球掉給妹妹莊思明,擺明是想對方快點跟楊明拉埋天窗。

Jacquelin和Brian沒有大排筳席,只在莊思敏的家中與數十名親友見證下舉行簡單簽紙儀式,而莊宅亦因而曝光,二人在天台的泳池取景,而室內的裝修亦好富麗堂皇。由於疫情關係,雙方父母未有在場,而是用視像通話見證簽紙一刻,片中還聽到莊媽媽笑說:「都要用魚網絲襪畀佢(新郎)唞吓氣。」引來全場哄笑。一對新人宣誓時沒有感動落淚,反而是在一片歡樂聲中,新郎哥完成簽紙儀式後,即離開座位抹一額汗嗌:「好熱。」在旁有人笑說:「唔係抹眼淚,而係抹汗。」之後二人亦應在場親友要求,錫完再錫,十分甜蜜。

莊思敏今日回覆《蘋果》:「我暫時冇特別感覺嘅,因為今日嗰個氣氛係,全部都係朋友啦,所以個氣氛係開心歡樂嘅,真係啲friend開party咁囉,最好笑係因為雙方家長都唔喺現場,跟住video call(視像通話)佢哋啦,但有時佢哋講嘢我哋聽得唔係好清楚,所以都幾多蝦碌嘢嘅。係啦,而家暫時未有好特別嘅感覺做咗人老婆,可能遲啲慢慢會有轉變。」她自爆婚前一晚有與老公見面,還說:「我哋冇避忌,冇咩傳統斟茶儀式,又冇着中式禮服同開門利是,擺酒就遲啲先再算。」

新娘子先後換了三套禮服及婚紗,其中一套露腰裝,另一套是低胸魚尾婚紗,盡騷美好身材,她說:「婚紗係由好友Kev贊助,其實之前連婚紗相都冇影。」而片中見Brian摸一摸Jacquelin,問是否傳聞中有喜?她說:「只係肥咗,其實我有刻意減。」問到趕生B嗎?她說:「唔趕呀。」

娛聞樂陪你走遍全球追星,即Like「娛果」FB 專頁!
BannerBanner