【繼續抵制無綫】馮盈盈脫毛廣告被落架 網民勸過檔ViuTV

更新時間 (HKT): 2020.03.15 18:15

馮盈盈上年底與醫生男友同居試婚失敗,宣佈分手,雖然最近幾個月曾被發現掟煲唔掟蓋,去完嘉年華又在情人節前夕撐枱腳,不過馮盈盈就堅持該日是分手後兩個月第一次見面。

翻撻醫生男友撻Q,馮盈盈的工作都受挫。早前有網民發起狙擊TVB及藍絲藝人,曹永廉、姚瑩瑩等先後被品牌割席,亦有人發現最近無綫廣告好多都是自家節目宣傳,甚少見到廣告客戶宣傳,最新一輪行動將焦點放在後生一輩身上,昨日有美容公司就在FB表示,收到廣大民意,會抽起由馮盈盈代言的脫毛廣告,並稱將來會謹慎處理宣傳推廣事宜。

而發起抵制的網民就想再下一城,不斷呼籲馮盈盈斬纜離開TVB,又表示:「其實都鍾意你,只係唔鍾意TVB啫。」

娛聞樂陪你走遍全球追星,即Like「娛果」FB 專頁!
BannerBanner