【白車又入TVB】胡定欣傾續約唔敢加人工 張振朗靠年半前劇集搶收視

更新時間 (HKT): 2020.03.15 11:35

胡定欣昨晚到將軍澳為《星光熠熠耀保良》進行錄影,她表示現正在休息中,受疫情影影響下,大部份時間也留在屋企,只間中約朋友食飯。對於汪明荃表示兩日用一個口罩,定欣指自己也差不多,但要視乎當日去哪裏。

對於即將與無綫約滿,定欣表示雙方一直有傾談中:「要等明確啲同真係有消息先再同大家講,其實一路都有傾。」問到會否加人工,定欣即笑說:「哇!呢個時候,仲同公司講加人工呀?得唔得㗎?公司唔減我已經好好。」放假已一年多的她直言開始想拍劇:「休息太耐原來都係會好(技)癢,例如睇戲或睇到一啲劇集,你就會諗如果自己做會點呢?跟住就會好想返工,但同時又好享受自己可以休息。」

同場演出的張振朗受訪時,提到他有份演出的劇集《機場特警》,將在本月底播出,他表示期待已久,因為套劇拍畢已一年半,他還記得當時經常拍到日夜顛倒,又經常要接受體能訓練,捱通宵趕拍,曾試過攰到趴在地上瞓着。

提到現在播出這類題材的劇集,會否怕惹來負評?他說:「明白嘅,冇呀,都係做番演員責任,因為(套劇)講一班後生仔追尋夢想,希望大家望吓啦,喺屋企抗疫冇嘢做就睇吓。」至於怕不怕自己是「地獄黑仔王」,張振朗笑言由於自己今年初在台慶頒獎禮中奪得「飛躍進步男藝員」獎,故相信所有黑氣都會一掃光。

另外,港姐監製何小慧昨晚在錄影中途被白車送走,有指她是在廠跣倒跌傷手。

娛聞樂陪你走遍全球追星,即Like「娛果」FB 專頁!
BannerBanner