【關公災難】姜濤like罵廢青post被斥「支那姜」 自責手指肥撳錯掣

更新時間 (HKT): 2020.03.16 19:14

【新增內容】

武漢肺炎肆虐全球,香港至今已有逾百宗確診,昨日城巴確認第149宗個案病人是城巴司機,有網民「_evan299」在《蘋果》IG關於這宗新聞post留言:「廢青仔,快啲移民英國,英國首相叫你哋生死自理啦。」引爆其他網民留言怒轟:「唔明今次呢個病毒關咩廢青事,冇邏輯。中國人傳到全球就係不爭嘅事實。」但亦有30多名網民讚好「_evan299」的post,其中竟包括人氣偶像姜濤!

有網民發現姜濤給讚好「_evan299」,即時群情洶湧留言:「我係入嚟睇姜濤嘅,沒有暴徒,只有姜濤」、「你出名了,不過我都係入來睇姜濤的」「_evan299」問網民:「姜濤係乜嘢?」網民寸爆回覆:「好似你咁,大陸仔嚟。」

由於姜濤的讚好令網民失望,有連登仔開po「姜濤關公災難」,cap圖公開姜濤給讚好的證據,網民紛紛留言狠批:「唔出奇,大陸仔」、「幫支那姜諗定藉口:畀人hack咗嚟X like」、「唔怪得之AK都有新歌出,佢冇,可能花姐嫌佢唔係黃」。

可能po在網上瘋傳,連登仔開po後不久,姜濤的「讚好」已消失了!現年20的姜濤,在瑪麗醫院出世,名正言順的香港人,不過呢單關公災難,多了一個「支那濤」花名,都算禍不單行。去年抗暴之戰,姜濤在銅鑼灣街頭被克警截查身份證,網民曾留言撐姜濤「沒有暴徒,只有姜濤」。

姜濤事後於IG story回應,表示完全是自己的責任,手指真的太肥了,還説:「真的非常抱歉,造成各位的困擾,作為公眾人物應該非常小心自己的一舉一動,這次的事件完全是由自己的不小心所造成的,以後一定會注意,再次的深感抱歉。」

娛聞樂陪你走遍全球追星,即Like「娛果」FB 專頁!
BannerBanner