【落手落腳】郭晶晶準備落區探劏房戶 最擔心小朋友防疫意識不足

更新時間 (HKT): 2020.03.16 12:16

汪明荃、鄭秀文、甘比(陳凱韻)等名人紅星,最近都身體力行,出分為幫助香港基層市民抗疫,送口罩及防疫物資。霍啟剛太太郭晶晶近日都加入送暖行列,以聯合國兒童基金香港委員會(UNICEF HK)大使身份,加入義工團隊,協助處理抗疫物資,見她落手落腳包口罩,又切番梘,非常落力。

郭晶晶表示最擔心小朋友的健康,她說:「在這次疫情裏面,我最擔心嘅其實係小朋友嘅健康。因為我們大人知道有乜嘢要注意,但係小朋友有時候就唔係好清楚點樣去做。我希望教導小朋友點樣去保護自己、點樣去注意衞生。我覺得香港有好多有善心嘅人,踴躍捐咗很多嘢,我都想為我哋嘅城市出一分力,同UNICEF HK嘅義工一齊處理抗疫物資,送畀有需要嘅家庭同小朋友,好希望同大家一起共同做好抗疫工作。」之後,晶晶還會繼續隨義工隊「落區」探訪劏房戶進行家訪,現身解說正確的個人及家居衞生知識。

娛聞樂陪你走遍全球追星,即Like「娛果」FB 專頁!
BannerBanner