【DJ曾與確診者接觸】商台火速加強抗疫措施 阮兆祥呼籲香港人唔好出街

更新時間 (HKT): 2020.03.18 20:08

記者今日在商台,見到大門口的門開了,以免員工用手觸碰到門柄,沾到病毒,而且每個人入商台時,都必須要量體溫,就連返商台開咪主持《1圈圈》的阮兆祥都不例外。

祥仔表示今日中午已收到通知,他坦言不太過擔心,「每個地方每個人都有自己嘅警覺性,我返工都有三樣嘢,有消毒噴霧、口罩袋同搓手液,所以我入直播室,我會先噴一噴支咪嘅海綿。其實商台都好好,預備晒已經消毒過嘅海綿,畀我哋會替換,替換完我都會噴一噴,雙重清潔。疫情開始之後,所有人都好小心,今日中午收到呢個消息,都已經用消毒藥水抹lift,希望喺安全環境下,大家可以安心工作。」

對於要量體溫,祥仔笑言自己有心病:「食完飯,硬係覺得自己個頭有啲熱熱地,即刻量一量,又唔係吖!」提到林海峰自備保護罩開咪,祥仔說:「我又冇嘅,佢呢個自我隔離好自我隔離,其實我哋唔會坐得好埋。」他坦言不要太過擔心,最怕就是自己嚇自己,但不要鬆懈,「尤其是呢幾日好多留學生返嚟,係過萬計,如果有半個%(中咗)都驚,佢哋返到屋企又有家人,可能有機會成為一個小爆發嘅社區感染。我呼籲全港朋友,喺呢兩個禮拜要少出街,就算出街都要做足防疫措施,防疫嘅成功唔係一個人做成,係每個香港人一齊做。」

至於對外事務部總監Terry(梁泰來)指梁子是二台,他自己屬於一台,所以跟對方接觸不多,他說:「大家開咪都會戴口罩同消毒啲咪,一直都有做,自己覺得唔驚得咁多,做好自己防禦措施先,要嚟就嚟冇計㗎,做好防禦措施啦。」公司有否加強清潔?Terry說:「今朝9點開始清潔錄音室,寫子樓,我哋係搵專業清潔;梁子知道朋友出事已經通知咗二台嘅高層,今朝十一點大家都收到個內部通告,公司安排方面都OK,其實之前已經開始所有入電台嘅人都要體溫測試,梁子嘅朋友確診咗之後,梁子都有即刻去診所做自我檢查,而家等緊結果,所以佢未定為緊密接觸者,但佢有同公司講會自我隔離14日。」

娛聞樂陪你走遍全球追星,即Like「娛果」FB 專頁!
BannerBanner