【燉湯店生意差】撐警楊明出新劇 網民發起罷睇︰我都控制唔到

更新時間 (HKT): 2020.03.19 14:10

去年6月的反送中風波,導致警民關係破裂,而大台多部以警匪為題材的劇集要暫緩播放。由張振朗、楊明及蔡思貝擔任主角的《機場特警》將重見天日,於本月尾播映,不過這部劇由撐警的楊明擔正,網民發起罷睇。今天《機》劇演員楊明、黃子恆與孫慧雪於深水埗派口罩,楊明被問到《機》劇終於出街,不至成為倉底貨,他說:「我諗唔係倉底嘅,只係搵個最啱嘅時候出,每逢拍完套劇都要等半年以上做後期,我哋18年12月尾拍完,都係拍完年多,都正常嘅,會唔會想早啲出?我諗係會嘅,我諗而家係公司覺得最好嘅時機出。」

近期警民關係緊張,擔心有網民發起罷睇嗎?楊明說:「又唔擔心得咁多,唔係我哋理到嘅範疇,娛樂界都係想畀多啲娛樂大家,畀廣大市民喺乏味嘅生活當中可以帶一點娛樂性畀大家,如果大家睇電視都可以用呢個心態睇,我覺得大家會開心啲。」不過正因是撐警的楊明而引發網民罷睇,楊明說:「罷唔罷睇又或者有冇人鍾意睇,我都係控制唔到嘅,每個人都有自己嘅選擇,佢唔鍾意睇,又或者令到佢唔開心嘅話,可以選擇唔睇嘅,都係嗰句啦,我哋娛樂圈係畀娛樂大家,等大家休息時冇咁悶。」

至於問到疫情下燉湯店的生意,楊明指亦因疫情受到直接影響,一直有跟業主商討減租事宜,他更透露4店已停止聘請兼職,希望保住每一位同事。他說:「係比較差啲嘅,夜晚啲人少出街,都試過夜晚一個客都冇,希望疫情快啲完結,你話撐到幾耐都唔知道,盡量加油啦。」而早前女友莊思明胞姊莊思敏結婚,思明搶到花球,楊明即被朋友催婚。

另外,在《機》劇中,孫慧雪與黃子恆在劇中飾演夫婦,雪雪笑言二人有好激的床戲,不過最有趣的是,劇中的女演員拍劇時會互相傳閱男演員的大隻晒肌照,評頭品足,十分搞笑。對於劇集快播映,會擔心警民關係緊張而受到影響嗎?黃子恆說:「係一套戲劇嚟嘅,唔係一套教育電視,戲劇世界咩故事都會有,咁先精彩。」雪雪說:「呢個疫情大家都會搵節目,喺屋企睇電視,所以我哋都有信心嘅。」

娛聞樂陪你走遍全球追星,即Like「娛果」FB 專頁!
BannerBanner