【十一姨設靈】兆尊帶大婆Carmen拜祭 紅顏團加碼變「4C」

更新時間 (HKT): 2020.03.19 20:15

洪國華(十一姨)今日設靈,上年家姐祥嫂洪金梅離世, 十一姨在靈堂上泯恩仇,與鄧兆尊幾兄弟姊妹送別祥嫂。

兆尊今日約7點抵達靈堂,與大婆Carmen前後腳,兆尊說今日專誠送阿姨最後一程:「佢由細睇到我大,我哋11、12歲第一次出埠,就係佢同婆婆帶我哋出去。」

當年家人不和,兆尊說如今沒有爭吵:「冇喇,大人嘅事之前都理唔到。」他又說不知道十一姨入院,所以未曾去過探病:「嗰時我跟緊第二啲嘢,細佬妹都冇話我知,記者同我講都好驚奇。」家人相繼離世,兆尊輕輕搖頭,說睇得好化:「我哋呢啲年紀,呢個月都嚟咗幾次,睇得好化。佢啲兄弟姊妹就難過啲,我哋後一輩感覺冇咁大。」會否更加珍惜兄弟姊妹?他說:「我不嬲都珍惜,不過你珍惜人,人未必就珍惜你。」

《蘋果》日前發現兆尊除了3C女友外,原來又有新歡,講到女友,兆尊說:「哎呀,避唔到添,適當嘅人去適當嘅場合。」他解釋Carmen與十一姨曾見面食飯:「同埋都要睇個人意願,有啲人怕死唔好逼佢。」他又說不擔心外出拍拖會染疫:「我冇話太大擔心,最緊要勤洗手,唔去咁多人地方就OK。」

至於新歡名字,原來亦離開不開「C」字命運,兆尊最初稱「冇咁橋啩…」但諗諗下又說:「唔係喎,佢都係C喎,佢姓陳嘅。」

娛聞樂陪你走遍全球追星,即Like「娛果」FB 專頁!
BannerBanner