【被爆欺凌1周年】「火雞姐」着T-back跳扭籮舞 承諾做個更好的人

更新時間 (HKT): 2020.03.20 15:39

現年26歲的YouTuber丁可欣(Yanki)靠火雞姐形象迅速上位,有機會做歌手兼拍賀歲片《恭喜八婆》,怎料去年2月突遭舊同學在討論區踢爆中學時期曾盜竊手機及校園欺凌,即使公開道歉,揚言會賠償受害人損失亦未能得到大家原諒,形象直插谷底。

事隔一年,火雞姐重出江湖,昨日在IG上載一條超激的「扭籮跳」舞片。見火雞姐穿上粉紅色T-back,露出股罅,在鏡頭前扭動pat pat,圓渾翹臀,令人想入非非。不少網民都讚:「正!」吸引近5萬人次觀看,但亦有網民問:「其實擰乜X?會唔會有啲over咗?」

火雞姐透露與5位男士合作,在月尾會推出一首新歌《廢》,留言:「Love & support from Hong Kong」。有網民問她:「Post咁多性感相,男友有咩感覺同想法?」她回答說:「佢一向好support,我哋都係跳舞,大家知跳舞文化係點,知大家做緊乜,冇特別感想。我哋各自各都係成年人,唔會話唔鍾意,大家都有生命中鍾意做嘅嘢,大家好尊重大家嘅私人空間。」她亦透露令她改變的最大因素:「因為我的過去,承諾自己離開世界之前,要成為一個更好的人,回饋社會及地球。」

另外,火雞姐的語言天份不錯,能說一口流利英語,最近更積極學習韓文,有人問她學英文的方法?她說:「由細到大我只對英文同體育有興趣,小學時好畀心機上堂,曾經考過第一,但中學就冇聽書,由細到大都唔讀書。但學英文最好每日記10至20個英文生字,聽英文歌同電影盡量唔好睇字幕,將語言融入生活裏面,咁會易記好多。」

娛聞樂陪你走遍全球追星,即Like「娛果」FB 專頁!
BannerBanner