【大時代挑戰】何婉盈囡囡停學赴加國滑雪 唔使撲貴機票返港

更新時間 (HKT): 2020.03.21 12:35

何婉盈最近加盟唱片公司,昨晚她在新城接受訪問,表示已計劃今年推出新歌,但受武漢肺炎影響延遲錄歌,有20多年沒再入錄音室,感到十分興奮。13歲女兒因不太懂廣東話意思,所以何婉盈不時把自己的舊歌歌詞解釋給女兒,她說:「佢中文比較弱,但新歌好啲,因為近日都唱多咗,而家佢都識聽中文歌。」

之前因武漢肺炎,全港學生停學,何婉盈安排囡囡到加拿大與家人同住,逗留個多月,幸好一早安排下星期回港,不用撲貴機票,她說:「本來畀佢去嗰邊玩滑雪,其實住嗰區唔多人住,暫未有人確診,安全嘅,我阿哥幫佢準備好晒上飛機嘅防疫物資,之前我同佢去澳洲都教佢去廁所、座位點樣消毒。」而她亦了解家居隔離資訊,笑言首次跟女兒經歴大時代挑戰,首次個多月沒見:「阿女都了解隔離情況,預咗咁耐冇一齊食飯,我哋會用face time。」但她慨嘆購買中童口罩較困難。

娛聞樂陪你走遍全球追星,即Like「娛果」FB 專頁!
BannerBanner