【抗暴之戰】元朗7.21恐襲8個月又放TG 「牛雜妹」父母麵店食到應

更新時間 (HKT): 2020.03.21 21:58

今日是元朗7.21恐襲8個月,當日白衣人毆打市民的恐怖畫面大家都未有忘記,今晚元朗區內有活動,防暴警為驅散巿民,再次放催淚彈,「牛雜妹」李亦喬父母經營的粉麵店今晚未有提早關店,食正TG,她嬲爆在FB留言:「我舖頭中晒TG,我啲屋企人喺入面!」

牛雜妹表示父母都在店中,她則在觀塘做綵排,獲悉家人被困,她準備回店中了解情況,她接受《蘋果》電話訪問時說:「收到朋友短訊通知先知道發生乜嘢事,亦聯絡店中父母,知道佢哋安全。爸媽話好彩唔喺我哋門口放,係喺對面舖,有一段距離,我哋關咗半閘,但啲催淚煙都吹到入眼,所以佢哋都出晒眼水。屋企人食到應一應,而家靜觀其變,父母暫時留喺舖頭安全啲。」她表示慶幸當時店中客人已離開。

娛聞樂陪你走遍全球追星,即Like「娛果」FB 專頁!
BannerBanner