【阿姐講話你要聽】汪明荃呼籲要遵守強制家居檢疫令:幫助到整個社會

更新時間 (HKT): 2020.03.24 23:47
(IG截圖)

武漢肺炎疫情嚴峻,日前特區政府「終於」實施強制家居隔離令,現時外地入境旅客均需接受14天隔離,不過連日來有不少隔離人士罔顧自己及其他人的安全,公然違反檢疫令外出,甚至自拍將圖片放上網「炫耀」,惹來全城怒吼!

向來都關注社會事務的阿姐汪明荃,昨日在IG貼了一條短片,一方面是代表何英傑基金會將超過15,00個口罩捐給前線醫護人員,她還說:「請遵守『強制家居檢疫令』,切勿以身試法。保護前線醫護人員,保護家人,朋友,你自己,保護香港社會!齊心抗疫,人人有責!謝謝你!」她在片中還說:「大家都知道而家嘅疫情好嚴峻,有好多學生同旅遊人士返香港,不過都希望大家遵守強制家居檢疫令,乖乖留喺家中14日,可以做多嘢,好似做運動、睇電視、睇書、煮餸等,但係千祈唔好出街、唔好有咁多聚會,就唔會有咁多有交叉感染。」

阿姐還說:「咁樣做,唔單止幫助咗前線嘅醫護人員,仲有屋企人、朋友及自己,最重要係幫助到香港整個社會。如果你違反咗強制家居檢疫令,係觸犯刑事罪,唔單止要罰錢,分分鐘要坐監,希望大家做一個守法公民,同心抗疫,希望打勝這場疫戰。」最後阿姐說:「我衷心祝各人身體健康,開開心心。」有網民留言讚阿姐,有人說:「多謝阿姐出心出力,為醫護加油感謝妳!」、「多謝你為醫護人員出一分力!感謝醫護人員無私奉獻付出!」

娛聞樂陪你走遍全球追星,即Like「娛果」FB 專頁!
BannerBanner