體育組解散後被投閒做茄喱啡
韓毓霞離無綫:冇留戀

更新時間 (HKT): 2020.03.25 02:20

現年59歲的韓毓霞是無綫體育新聞殿堂級主持,主持《體育世界》34年,深入民心。不過,自無綫體育組前年解散後,她慘被投閒置散,即使被安排拍劇也只是擔演「茄喱啡」,大材小用,令她萌生離意。韓毓霞最終決定今個月約滿後不再續約,跟無綫結束36年賓主情,談到離巢心情,韓毓霞昨受訪時坦言:「冇乜唔捨得、冇乜留戀。」

韓毓霞自1984年加盟無綫主力主持《體育世界》,多年來先後採訪過7次奧運,是香港體育新聞的殿堂級主持,可惜隨住無綫前年解散體育組,她也慘被投閒置散,《蘋果》收到消息指因韓毓霞過去大半年零工作,令她心灰意冷決定離開。韓毓霞昨日接受《蘋果》電話訪問,直認本月跟無綫約滿後不再續約,正式結束36年賓主關係,是繼劉江、敖嘉年和古明華後,又一資深藝人離開。問到離開會否不捨?韓毓霞稱:「其實唔捨得係當年嗰班工作人員一齊做嘢嗰種精神,唔係唔捨得間公司,因為此一時彼一時,𠵱家成個氣氛、見到嘅人,同埋佢哋做嘢成個system係完全兩回事,所以冇乜唔捨得、冇乜留戀㗎啦,有團結精神班同事都走晒!」

拒續約好平靜

退休享受人生

娛聞樂陪你走遍全球追星,即Like「娛果」FB 專頁!
BannerBanner