【韓流】《梨泰院Class》大奸角人氣升 安普賢自爆遭阿媽割席

更新時間 (HKT): 2020.03.26 07:03
安普賢因《梨泰院Class》而人氣急升。

韓國人氣劇集《梨泰院Class》雖然已播畢,但劇集依舊穩守Netflix香港單日排行榜的第一名。劇集令男女主角朴敘俊和金多美人氣急升外,亦令劇中的大奸角兼朴敘俊的死對頭安普賢人氣急升。

現年31歲的安普賢於2014年憑KBS劇集《黃金交叉》出道,曾拍攝《太陽的後裔》及《她的私生活》,直到《梨泰院Class》中演活大奸角張根原,即時令安普賢人氣急升。不過做奸角就預了被人嫌棄,他近日接受韓媒訪問時就自爆「阿媽唔認仔」,由於他在劇中由高中時已經是大壞蛋一名,不時欺負同學。安普賢受訪時笑說:「因為我喺劇中太壞,我阿媽都唔敢同大家講佢個仔就係張根原,直到我喺第10集被劇中阿爸劉在明拋棄,觀眾因為開始同情張根原,我阿媽先開始更換頭像,到處炫耀張根原係佢個仔。」

而安普賢在劇中曾有一段哭着扭斷雞頸的場面,他透露拍攝時前後花了8小時,更表示其中一隻雞十分入戲,只要一碰牠的頸,牠就會發出叫聲,令現場人士大感驚奇,連劇中阿爸劉在明也點名要這隻雞做戲。不過現實生活中安普賢卻不愛食雞,因為他為了練肌肉而經常吃大量雞胸肉,他笑說:「見到炸雞會反胃,自己亦從來冇叫過炸雞,特別係拍完嗰場戲,見到炸雞亦會有陰影。」

娛聞樂陪你走遍全球追星,即Like「娛果」FB 專頁!
BannerBanner