【本來今日開騷】余香凝演唱會因疫情取消 靠唱Live頂歌癮

更新時間 (HKT): 2020.03.27 15:37

余香凝、余潔盈兩姊妹,連同趙慧珊(Aka),今日齊齊現身新城節目唱Live,其中Aka就表示今次順道跟余潔盈一起宣傳早前合作的微電影,片中她們飾演兩姊妹,Aka說:「我雖然係做家姐,但係成日畀妹妹蝦。」三人更笑言大家感情要好,考慮做結拜姊妹。

現實中,余香凝亦大爆妹妹不時會鬧她:「我都係衰嘅,有時朝早出去做嘢會走入佢房換衫,嘈醒佢就畀佢話。」余潔盈就稱:「因為我好醒瞓,少少聲就會醒,但係話完佢就冇嘢。」兩姊妹都表示平日感情要好,經常會互相差遣對方,更自細已經常打交爭嘢玩,早已習慣。

余香凝又提到,原本今日是自己的演唱會,可惜因疫情影響而延期,惟有在節目中唱Live解歌癮。Aka則謂本來早已跟公司度期,打算親身支持余香凝,現望疫情早日過去可以再舉行演唱會。

採訪:曹家誠、攝影:仇志德

娛聞樂陪你走遍全球追星,即Like「娛果」FB 專頁!
BannerBanner