【急學湊B】陳偉成太太下月剖腹 為囝囝徵求乳名

更新時間 (HKT): 2020.03.27 16:55
(FB圖片)

陳偉成(Avis)去年底跟做牙醫護士的黃樂樂(真名黃藹樂)簽字結婚,兩人打算今年才舉行婚禮,原來陳太已陀住陳家慈枯椗,Avis日前在老婆生日時公佈喜訊,Avis更分享太太肚中陀着囝囝,下月會陪老婆入產房生仔。

Avis表示已請相士楊天命為BB擇日開刀,但名字會等出世後才改,不過新手爸媽已心急想替BB改乳名,他昨晚在FB徵求名字,Avis說︰「阿B都算經歷過我哋人生最難忘嘅日子,先經歷周街都係催淚彈,再經歷肺炎,所以阿B應該會身體健康,PS︰我都唔想叫阿B,不如大家幫我個仔改番個英文名同埋花名。」網民和友人都給意見,分別有「係呢個時候出世,應該叫Legend」、「叫亞A」、「叫豬仔包」、「叫成仔」、「叫陳出不窮」、「叫陳皮仔」,Avis和樂樂看完大家建議,她反而想簡單叫囝囝做「陳生」。

對於老婆臨盆在即,Avis除貼心陪老婆安胎,也開始準備:「有阿B之後嘅生活完全唔同晒,以前夜晚打機,而家夜晚上網買BB嘢。以前同老婆行街睇戲食飯去旅行,而家去學吓阿B沖涼、換片。以前會日日做gym擔心自己身型唔fit,而家日日陪老婆開party咁食,擔心老婆唔夠膽食又怕肥。」

娛聞樂陪你走遍全球追星,即Like「娛果」FB 專頁!
BannerBanner