【米芝蓮徒弟】模特兒大廚A Jing 鬧爆林鄭:你條命可否減一半?

更新時間 (HKT): 2020.03.28 08:00

林鄭政府推出新一輪抗疫措施,其中管制餐廳營運模式,如:只准餐廳開一半、每張枱之間要有1.5米隔離等。

本身是模特兒的米芝蓮大廚Harlan Goldstein徒弟鄭雅菁(A.Jing),前年在上環開設摩登泰菜餐廳Clicked,大鬧新措施是無聊、不可行,「而家搞到全個城市立立亂,真係對呢個政府好失望,新政策叫我哋減一半,咁可唔可以叫林鄭條命接受減一半呀?」

她對政策大為憤怒,直斥室內設計1.5米距離根本難以執行,相關要求亦不會有監督機制,形同虛設,不如效法英國,代餐廳食肆付支一半租金,一半人工,「之前嘅禁酒令係bullshit,呢啲新政策,根本係減少唔到聚會,冇可能,舉例,即係一隊波踢完,十個人唔可以三、五、二入座,但係可以四、四、二咁入,大家坐埋,你又唔會有人睇住佢哋有冇四個人以上一齊去廁所?呢啲係完全不可行嘅措施,係無聊措施,唔做好過!」

A.Jing 坦言不會再支持現有政府,如果有方法推翻政府,她更會第一時間報名參加。「一早大陸爆嘅時侯,你就好封關啦,你唔好留個咩深圳灣,封啲唔封啲咁。到後來班留學生返嚟,應該更加要出宵禁令、封關啦,所有嘢要做曬,而家係出入境又求其,只做門面功夫,係智障。」

她指做生意,不是只向錢看,「賺唔賺錢喺呢啲疫情之下,真係唔係咁緊要,做得生意有危有機,預咗㗎喇,但而家係關乎人命,最少要保障到我哋香港市民,喺香港本地都有一個安全感覺。我11年前返嚟香港時,好好,大家好有香港人精神,而家見到最多嘅係怨氣、壓力、反政府。簡單嚟講,佢就係官逼民反,連我呢啲完全唔識政治的,都好頂唔順佢,我唔明點解佢要迫害所有人,不論任何行業。」

採訪:林妙萍

娛聞樂陪你走遍全球追星,即Like「娛果」FB 專頁!
BannerBanner