【直播獻Sing】太太小產後首現身 李龍基自爆為唱歌放棄做工程師

更新時間 (HKT): 2020.03.28 14:26
(youtube截圖)

69歲的李龍基(基哥)早前經歷喪子之痛,比他年輕28載的現任太太在臨盆前數日意外小產,夫婦二人都十分難過。與前妻育有三子女的基哥,見慣風浪,相隔個多星期已復工,昨晚以星級歌手身份上何婉盈主持的網上直播節目,除開腔獻唱外,亦有談入行經過及拍劇難忘事,但封口不提太太小產,以免觸及傷痛。

一頭白髮的基哥全晚表現好輕鬆,先獻唱多首名曲《浣花洗劍錄》、《佛山贊先生》及《如來神掌》,他邊唱邊做出「萬佛朝宗」手勢,然後搞爛Gag說:「如來神掌其實有第11式,就係乜都唔識!哈哈哈。」他更稱自己與何婉盈差不多大,只得38歲,搞到何婉盈差點不懂應對。

他透露做歌手前是一名電機工程師,為了拎獎品才到電視台試音,他說:「我好鍾意唱歌,喺學校、教會都係風頭躉,忽然接到TVB嘅信叫我試音,唔知邊個幫我申請,第一次冇去,因為驚,第二次又寄一封嚟,就搏一搏。其實我嘅初衷係想攞少少獎品,因為家境困難,我諗住上去攞多士爐焗麵包,但原來唔止,仲有三合一嘅收音機、錄音機,好開心。過咗大半年,忽然有位好出色嘅經理人,約我傾偈做part time,畀多5百蚊我,嗰時好多喇,過多一陣叫我不如唔好做工程師,我亦越唱越鍾意。」他透露曾自學小提琴,但因姿勢錯誤,搞到淋巴線發炎,被醫生「恐嚇」再不停止便可能惡化變成淋巴癌,故他之後轉玩結他。而基哥亦很喜歡玩模型飛機,於1996年代表香港出戰國際賽事,並贏得第一名。

被封無綫「御用皇帝」的基哥,在《鍾無艷》中第一次飾演皇帝,與兩位當紅花旦鄭裕玲和陳秀珠合作,他說:「最記得同鄭裕玲嘅一場床戲,唔好諗歪係一瞓醒諗住錫佢,我唔敢,因為佢係首席花旦,係佢叫我錫落去!」而基哥出名愛玩模型飛機,於1996年代表香港出戰國際賽事,並贏得第一名。

談及近日疫情,基哥說:「身處大時代,人類始終喺某時代遇到啲要解決嘅事,大家平常心,唔好太悲觀,盡力克服。」歷時一個多小時的直播,基哥亦能談笑風生,看來已走出喪子陰霾。

娛聞樂陪你走遍全球追星,即Like「娛果」FB 專頁!
BannerBanner