【7年抗癌路】張達明感激發哥鎮宇 終知癌症並不可怕

更新時間 (HKT): 2020.04.01 14:06

張達明於2011年確診鼻咽癌,近日他接受了香港開電視節目《是敢的》主持梁梓禧訪問,剖白7年抗癌之路。演藝學院畢業後,張達明專心在舞台劇界發展事業,偶然客串電影,他說:「曾經客串《繼續跳舞》,有我人生最好嘅老師羅冠蘭、第一次拍電影嘅巨星林憶蓮,仲有我哋一生都好難接觸到嘅新馬師曾(鄧永祥),嗰時先知香港電影圈係咁強。」

當時他從未想過加入電影圈,卻因為與黃子華合演棟篤笑而嶄露頭角,1996年受邀登上金像獎頒獎禮表演棟篤笑,此後機會陸續到來,從此身兼編劇、導演和演員等多個身份。事業得意之際,身體卻亮起紅燈,2011年因鼻腔出血求醫,一星期內便確診患上鼻咽癌,當時還堅持演出舞台劇,全因「The show must go on」的專業。

回想當時,他自覺還未準備好,而沒有告訴身邊人,直至被拍得到醫院接受電療,朋友才知道這件事。雖然生性樂觀,但他卻也為患癌而多次落淚,方知親友的支持是何等的重要,好友吳鎮宇和前輩周潤發,都是他的良藥,張達明說:「要多謝鎮宇,佢捉我去睇各種各樣醫生,有次喺一個醫生度見到發哥,之後熟絡咗,過咗幾年,又喺另一個醫務所見到佢,發哥當時話:『你得閒就跟我去跑步,試吓。』後嚟發哥話呢個係長跑,就算去到邊度拍戲都要跑,佢有時仲會遙距訓練,要我交功課。」

從500米開始,現在可以跑上3公里,他認為運動的重要性,並不在於運動量,而是當下那種不放棄的心情。面對過大大小小的逆境,他仍然抱持樂觀心態,亦自覺幸運,張達明坦言:「我而家病,可以講畀大家知,就係唔想太害怕,要搵個動力畀自己,嗰種動力係任何你鍾意嘅嘢,要搵一個特別嘅角度去睇呢個世界,所以我唔怕癌症。」

-----------------------------

全民自救 抗疫資訊盡在《蘋果》

娛聞樂陪你走遍全球追星,即Like「娛果」FB 專頁!
BannerBanner