【滙豐失息】麥玲玲誓同愛股長相廝守 阿Bob錯過跌穿40入市時機

更新時間 (HKT): 2020.04.01 14:01

港人「愛股」滙豐控股(005)宣佈取消原定的末期息,今早股價一度跌穿40元,令股民心碎。身為苦主的堪輿家麥玲玲接受《蘋果》電話訪問坦言:「今早聽到滙豐唔派息,有少少失望!」

麥玲玲坐擁逾億身家,身為滙控長情股東的她樂觀說:「冇乜大影響,滙豐其實有啲感情,我哋呢啲啱啱出嚟做嘢時,前輩話有錢多就買藍籌,包括滙豐,擺喺櫃桶底唔好賣,咁先能夠儲到錢,以前話聖誕鐘買滙豐,或者每次股災見佢低就買啦,長相廝守,唔會話一跌有損失就傷心,純粹感情,而且我成個投資組合唔止滙豐,仲有其他高息,譬如煤氣、公用股收息,所以影響唔大。」

問到算唔算到滙豐的運勢?玲玲師傅說:「呢幾年都受到衝擊,加埋舊年佢嘅吉祥物嗰對獅子損毀咗,吉祥物代表公司,相信快啲修復好,對成間公司運勢會好啲,或者希望年尾末期息能夠收到。」

至於林盛斌(Bob)本身冇滙控,他就想趁低入市,可惜錯過最低位時機,Bob回覆傳媒表示:「頭先我想買,跌到39個幾好想撳,但要埋位拍廣告,所以買唔到,影完輯相再睇,已經去番41個幾,可能股票世界同我冇乜緣份。」現股票市場風高浪急,Bob好勇竟夠膽入市,他說:「少少啫,搵餐晏仔,唔係搏命。」

娛聞樂陪你走遍全球追星,即Like「娛果」FB 專頁!
BannerBanner