【另起爐灶啦】細So慘食無情雞 方力申指商台損失

更新時間 (HKT): 2020.04.03 17:53

被解僱新聞出街後,細So更新IG story,感謝各界關心,又表示需要多少少時間回覆各位。而多年聽眾都非常想細留低,不約而同地留言:「好唔捨得你呀!」有網民細數多年來細So聲音陪伴的時光:「好鐘意聽你嘅《生活日常》同《好醒晨》!每日聽你嘅音樂節目為我哋每位生活響香港嘅聽眾帶來苦中一點甜。揸車嘅時侯聽你節目咁啱你播到首好聽嘅歌嘅時侯,我試過真係會笑咗出黎去享受嗰幾分鐘歌曲。唉,咁以後仲可以去邊聽到你把聲同節目。」、「每次聽完你節目都好舒服……今晚我會好好珍惜……希望喺另外一個平台再聽到你把聲」、「希望再有機會聽你開咪,生活日常已成習慣。」

有網民亦都建議細So另起爐灶,又鼓勵細So:「希望你未來會得到更好的,你絕對應得的,支持你。」亦有人建議ViuTV接收細So,邀請細So加入音樂節目《Chill Club》。

娛聞樂陪你走遍全球追星,即Like「娛果」FB 專頁!
BannerBanner