【果GYM】莊端兒傷腰骨頭硬晒:唔敢同人講我有瑜伽教練牌

更新時間 (HKT): 2020.04.03 16:06
(攝影:仇志中)

莊端兒(Xenia)今日做星級學生,去《果GYM》跟導師Kate So學了半小時「反地心吸力」瑜伽運動。身材fit爆的Xenia曾經在澳洲考獲瑜伽教練牌,但後來因腰傷所以減少做瑜伽,肋骨沒有以前般柔軟,但基本上所有動作都跟得上。Xenia說:「以前練習時好心急,醫生話筋鬆係好事,但韌帶鬆咗就好麻煩,所以都休息咗一輪,骨頭都硬晒,所以我都唔敢講我有教練牌,哈哈。」

最近疫情爆發,Xenia多了時間留在家,反而會多做運動強身健體,她說:「而家我通常做HIIT(高強度間歇訓練),30秒一set,6個動作做3分鐘已經爆晒汗。」她直認好多工作被迫取消:「我最後一個登台騷已經係過年前去大馬,之後都取消晒,好彩最近幫ViuTV同陳奐仁合作一個新節目《騷肌》,喺疫情下做一個健康節目,希望大家都身體健康。」問到有沒有刻意keep fit?她說:「都有呀,本身真係冇肌肉,最近試咗個傳統中式穴位按摩,體重由56kg減到51kg,希望配合運動,可以令線條更靚。」

娛聞樂陪你走遍全球追星,即Like「娛果」FB 專頁!
BannerBanner