【狗仔出更】戴志偉背妻偷食後首現身 冇戴口罩發爛渣報警

更新時間 (HKT): 2020.04.05 13:29

59歲戴志偉和太太結婚多年,兩名兒子亦都大學畢業,原本一家和睦恩愛,但近日卻被揭背妻偷食年輕女同事Candy,大享齊人之福。戴志偉於2011年放棄演藝事業,離開無綫專注保險工作,現職AIA分區經理,忙碌工作之外,還要盡老公職責兼管接管送,又和第三者Candy浪漫行淺水灣,確是分身有術。

由於戴志偉被揭背妻偷食後未有回應事件,故今日有大批傳媒在其寓所外等候,早上大約11點半,他在馬鞍山區的寓所駕車外出時,受到多間傳媒的追訪,他將車駕至對面屋苑的銀湖天峰避車處時,戴志偉隨即下車,並情緒激動爆粗:「X你XX,我報警,做乜跟住我呀?做乜嘢先?你哋係咁跟住我做咩呀?」

戴志偉全程無戴口罩,卻不斷放聲高呼,多次走近記者身前,口水四濺,當記者要求和戴志偉做訪問,他情緒依然激動,暴躁地說:「我唔傾呀,你哋咩人嚟㗎?喺度搞我騷擾我。」他隨即在車內拿出手機反拍傳媒及採訪車,繼而再說:「你哋咩記者?畀個證我,我報警,告你哋滋擾,X!你哋咁樣做人,有冇搞錯,香港人,點解咁衰,畀個樣我,你係咩記者?」

戴志偉發狂拿住手機追拍現場記者:「你係乜嘢記者?畀個證我吖,我睇到晒你哋個樣,如你哋假冒記者,我報警拉你哋。」又對住記者狂鬧:「你係乜嘢記者呀?點解咁緘默呀?點解唔出聲呀?記者點解唔講畀人聽呀?你乜嘢記者呀?記者唔話畀人聽㗎?你係賊嚟㗎?你係乜嘢記者呀?我影晒你相㗎,我而家報警拉你哋,我即刻打999,你哋滋擾我!係咪人嚟㗎,你跟我做乜嘢?影響我生活。我會出禁制令,你哋唔配做人呀...如果你哋唔係記者咁樣影人,你哋就係侵犯我私隱。」之後他反問:「我而家做錯咩事,我有乜嘢問題呀?」

接住戴志偉又對住其中一部傳媒採訪車咆哮,不停問「我得罪你哋乜嘢!」繼而對住其他傳媒鏡頭理直氣壯表示:「我係戴志偉,影我嗰啲全部係垃圾傳媒,你侵犯我私人嘅私隱,跟蹤我、擾騷我家人,我而家報緊警,佢哋全部唔敢以真面目示人,我冇戴口罩我光明正大!唔好畀咭片我,佢哋唔知係乜嘢人,你睇佢哋啲眼!你會內疚㗎,打嗰幾千蚊工......你錄晒佢,全條片放出嚟,你哋係垃圾、唔係人,你夠膽全條片放晒出嚟!」戴志偉其他攔截住一部記者採訪車,擾攘一輪後報警,大約十多分鐘後,警員到場登記雙方個人資料後便放行,之後戴志偉便駕車離開現場。

採訪、攝影:黃曉程、張明

-----------------------------

全民自救 抗疫資訊盡在《蘋果》

娛聞樂陪你走遍全球追星,即Like「娛果」FB 專頁!
BannerBanner