【狗仔出更】吳國敬避疫變「煮」家男 買餸煮飯一腳踢

更新時間 (HKT): 2020.04.06 00:30

全民抗疫,大家都減少外出,留在家中最好玩煮飯仔,戴了口罩的吳國敬日前單拖出動,在跑馬地連跑三站補糧,主要買食材回家煮飯,他先到HKTV mall買急凍蝦,然後去七仔買凍啤酒,最後一站去街巿買菜、牛扒和凍肉,滿載而歸。

當日下午,阿敬先把座駕停泊在路邊,然後到HKTV mall買急凍蝦,買完即趕到就近便利店,他的目標是凍飲櫃中的啤酒,快手買完就去街巿,記者上前打招呼,他以趕時間為由婉拒,阿敬先到凍肉店買東西,他細聽店員推介,最後揀了一堆食物便付款走人,離街巿便回泊車路邊 ,似心急趕回家煮飯,阿敬臨上車時說了一句:「基本上日日都係咁。」

阿敬避疫期間變「煮」家男,他今日回覆《蘋果》時說:「叫外賣又食到悶,工人煮嚟煮去都係嗰幾味,我每兩日都會去超巿同街巿買嘢,嗰日買咗蝦,第日就整咗茄汁煎蝦,都好味,前幾日就整蝦醬蒸豬肉,但失敗咗。」

採訪、攝影:黃曉程、羅德光

娛聞樂陪你走遍全球追星,即Like「娛果」FB 專頁!
BannerBanner