【武肺犧牲品】吳啟明食肆獲業主減租四成仍月月蝕 8月租約滿執笠

更新時間 (HKT): 2020.04.09 17:21
(資料圖片)

吳啟明在上環經營的食肆「慢煮兩餐」受疫情影響,自2月開始只做午巿、晚巿暫停,加上「限聚令」下食客要減半,全坐滿才28人,現在只能坐14人,午飯套餐有湯有菜又減價賣40多元,生意難做。吳啟明近日獲業主答應減租四成,雖然成本是省了,但其實仍然不能圍皮,近兩個月都一直蝕本,該店的租約到8月,他已決定食肆租約完後會結業。

吳啟明今日接受《蘋果》電話訪問,他無奈地說:「疫情後聯絡過業主,佢係體諒肯減租,月租7萬幾減四成,3名全職員工,加埋燈油火蠟,每個月最少都要10萬開支,呢幾個月邊捱邊蝕住頂住,因為我租約簽到8月,唔續租要3個月前通知,我計過條數,即使近日午巿生意因附近食肆執晒係多咗人買外賣,但點計都係圍唔到皮,捱到8月唔做喇!個個月咁蝕真係肉赤㗎。」

娛聞樂陪你走遍全球追星,即Like「娛果」FB 專頁!
BannerBanner