【疫情影響】梁祖堯樂做全職農夫 8月公演舞台劇或會再延期

更新時間 (HKT): 2020.04.09 20:10
攝影︰王連連

梁祖堯近日曬得一身健康膚色,今日到商台接受訪問,他表示自己過着農夫生活,每日在元朗農田耕作,種米和種西瓜:「算係做全職,一星期6日落田,有田主借畀後生仔耕田,以前元朗傳說係種絲苗米,但近兩代已經冇咗,所以我試下種番米,而家開始插秧。之前疫情啲人搶食物,就令我覺得香港人其實可以種到,訪問都會講吓香港有好多荒地可用,近來各行各業蕭條,但農業前所未有咁熱鬧。」他還有種西瓜,但網上有人卻聯想到,去年社會運動的情況:「啲人聽到就話元朗西瓜不了,我想為元朗嘅西瓜農夫平反,佢哋有啲都好正義同有良心。」

現在武漢肺炎疫情未見好轉,梁祖堯的舞台劇《新聞小花的告白2》,延遲至8月公演,但懷疑情況不樂觀:「第1集係真人故事改篇,講女記者拍到差人暗角打人,應唔應該公開作起點;第2集有卓韻芝加盟,題材都係去年社會事情,虛構一個地方,講一班人拉咗入村被毒打或死亡,卓韻芝想查明事件入村搵線索。」他謂若延期到8月,劇情或會再排,大膽作風仍不變。他有感新聞自由,在現實中越來越窄,有些人更感到有白色恐怖,8月又將近立法會選舉,情況只會越來越誇張。

此外,曾參加《全民造星》比賽的歐國成,去年開始推出歌曲,今日他在商台宣傳派台歌《有一種遺憾是不能遺忘》,這首歌是他自己首次監製。這首新歌是從台灣男星高以翔突然離世,而得到靈感,他覺得做人應活在當下,對任何東西要懂得珍惜,他說:「睇到高以翔離世嘅消息,好多人都感到好可惜,接受唔到呢件事,令我有靈感寫歌,要珍惜眼前。」之前他的爺爺突然爆血管離世,原以為跟長輩可以相處多點時間,沒料到原本健健康康的,卻突然出事,令他很大感觸。

娛聞樂陪你走遍全球追星,即Like「娛果」FB 專頁!
BannerBanner