【Captain Nancy又出招】薛家燕集氣跳《抗疫十字步》 笑稱靠粒癦救地球

更新時間 (HKT): 2020.04.10 16:15

曾經化身Captain Nancy的薛家燕,在2018年將她的icon「十字步」再加上洗腦歌詞「唏呀唏呀唏唏呀唏呀唏」跳到上紅館,一度成為熱話。薛家燕剛過了70歲生日,近日又再出招,今次她找來郭富城御用排舞師Sunny Wong編舞拍攝《抗疫十字步》。一身全紅打扮的家燕姐,在鏡頭前一臉認真地邊唱片邊跳:「齊人跳十字步 尋回自己的態度 哪怕前面嘅路 只有你先行得到!」

在FB出post同時,家燕姐向林盛斌、王梓軒、黎諾懿、鄭詩君、陳敏之、吳業坤和天堂鳥傑等人發出challenge。阿Bob和天堂等人已經很快「找數」,其中阿Bob更留言:「我見到人哋啲dancer笑住跳舞好型,點解到我跳就好似個中咗降頭咁嘅?特別係『拾回自己的態度』嗰句!」講到這個challenge,家燕姐說:「大家都知道而家疫情幾緊張,啲小朋友同學唔可以出去玩,又唔可以返學喎,咁喺屋企可以做啲乜呢?最好大家一齊跳十字步!正如Captain Nancy都話:『靠我粒癦救地球』,而家唔止香港,全球都喺度抗疫。」

娛聞樂陪你走遍全球追星,即Like「娛果」FB 專頁!
BannerBanner