【《蘋果》Live】許冠傑抗疫騷為港人打氣 免費睇同舟共濟演唱會

更新時間 (HKT): 2020.04.12 12:43

武漢肺炎重創香港各行各業,跟歌神許冠傑(Sam)合作30多年的通利琴行工程服務部門,亦受疫情影響於上月解散,21位燈光、音響等專業人員全部失業,阿Sam除私人名義捐出25萬港元助一班員工解燃眉之急外,同時更於今日下午5時舉行《2020許冠傑同舟共濟 Online Concert》,為香港人打氣,《蘋果動新聞》的娛果facebook專頁、果燃台及《蘋果動新聞》YouTube channel都會同步直播。

阿Sam今次打氣個唱由鄭丹瑞(阿旦)主持的《健康·旦》健康節目頻道主辦,連日來阿Sam在家綵排,演唱會製作總監蕭潮順接受《蘋果》電話訪問時,透露已成功游說阿Sam加碼,由原來自彈自唱12首歌加多3、4首,阿Sam大仔許懷欣(Ryan)都會演唱兩首歌,阿Sam並承諾將來一定再與通利工程部前員工合作,蕭潮順說:「阿Sam話等疫情過後開騷,一定會請番佢哋幫手。」

蕭潮順表示,今次演唱會除於《健康·旦》facebook和YouTube、許冠傑FB直播外,全球有40多個平台同步直播,包括美加、澳洲、台灣、中國和星馬等地方,初步預計有超過5,000萬人同時收看,為怕到時冧server,他們已跟facebook美國總部聯絡,蕭潮順說:「香港facebook方面已通咗美國總部,話會有呢個騷,美國嗰邊講好咗會開放好大嘅頻寬畀我哋用,足夠應付全球用家去睇,另外亦知會咗香港YouTube幫手。」

主辦單位呼籲觀眾今日約5時半,可以在自己所在的地方,一同合唱許冠傑《鐵塔凌雲》、《浪子心聲》、《同舟共濟》3首金曲,透過合唱凝聚全球華人的精神力量。另外,為配合政府禁止群眾聚集的規例,舉辦這次Online Concert的海港城將實施嚴格的出入管制,活動場地只許工作人員進出,嚴禁任何公眾人士進場,阿旦在《健康·旦》拍片呼籲大家留家欣賞,不要前往現場。

娛聞樂陪你走遍全球追星,即Like「娛果」FB 專頁!
BannerBanner