【溫馨之旅】溫碧霞老公製造驚喜 峇里變大澳一樣玩得開心

更新時間 (HKT): 2020.04.13 16:45

溫碧霞(Irene)每年都會趁假期一家人飛去峇里島度假,又或者去美國探親,不過受武漢肺炎疫情影響,暫時不宜外遊,她亦響應限聚令,暫時停工兩周,兼取消所有聚會,這段日子都待在家中陪伴老公Kenny和囝囝Xavier。不過Kenny怕老婆悶在家,昨日趁復活節假期秘密出動,偷偷為妻兒計劃了三日兩夜大澳之旅,一家三口坐船遊覽大澳景色,品嚐大澳地道美食,又買了大量大澳居民自製的漁產品、手工藝品作手信,Irene說:「好多店舖都話呢個疫情影響好大,生意好差,所以我哋特登幫襯小店食嘢又買嘢,希望大家可以捱過呢個疫情。」

Irene表示首次到大澳遊玩,雖然曾經到過不少地方拍戲,但之前一直未去過大澳:「我好鍾意呢度,好似以前細個時住嘅調景嶺,有山有水有人情味,好多回憶返晒嚟,真係好開心。」她更大讚老公夠浪漫安排今次的驚喜,Irene說:「本來Kenny諗住帶我哋嚟大澳靜靜地咁過,順便振興大澳旅遊業,點知嚟到原來都有好多遊客,不過大家都好自律,冇見過超過四個人聚集。」

-----------------------------

娛聞樂陪你走遍全球追星,即Like「娛果」FB 專頁!
BannerBanner