【狗仔出更】姚子羚成四角戀終極贏家 密會Raymond與auntie傾足一個鐘

更新時間 (HKT): 2020.04.14 00:30

姚子羚去年5月被《蘋果》獨家爆戀上前Dragon-i董事、失婚人夫Raymond Young(楊偉文)。Raymond疑一腳踏三船,與藝人前妻蔡宛珊(Sarika)關係拖拖拉拉,陪圈外「二奶」年初二睇煙花之餘,又跟姚子羚密遊泰國。有指姚子羚知悉四角關係,只是等Raymond作出抉擇,但東窗事發,姚子羚只好選擇分手,但未有透露分手時間。

桃色糾紛接近一年,姚子羚似乎已成為終極勝利者,與Raymond復合,頻頻密會!日前下午5時許,記者在鯉景灣見到Raymond的白色Benz停泊在路邊,二人前後腳落車,姚子羚先進入一間西餐廳會合一位auntie,疑是Raymond媽媽,Raymond則在門外食完一支煙才入內。黑衫、黑褲、黑帽的姚子羚十分小心,全程戴住口罩,不吃不喝,似乎是擔心武漢肺炎疫情。

大約1小時後,3人埋單離開餐廳,Raymond發現座駕被警察抄牌,不發一言拎起告票,表現瀟灑。姚子羚與auntie邊行邊傾,狀甚投契,子羚慣性地坐在司機位旁,auntie就坐在後座。Raymond開車後先放低auntie在寓所附近,之後載住姚子羚經東隧入將軍澳,但沿途發現傳媒追訪,行車時快時慢,最後在清水灣半島附近撇甩記者,疑送子羚返香閨。

姚子羚被問到是否與Raymond復合,她回覆傳媒時說:「只係同朋友食午餐,感情事唔回應啦,想專心工作,多謝大家關心。」

上月中,姚子羚亦被傳媒影到與Raymond飯敍,一個月內被影到兩次,足證二人見得非常頻密。當時子羚同樣否認復合,稱只是同場出席朋友聚會,並說:「大家都係成年人,我同以前嘅男朋友都可以做番朋友,將來嘅事將來再算,現階段我想做好工作先。」

至於Raymond前妻Sarika則大方送上祝福:「我唔清楚亦冇意見,無論邊個都好,希望佢哋開心幸福,最重要身體健康,都咁耐喇。」由於疫情關係,Sarika不少司儀工作都被迫取消,而最近亦有為ViuTV主持節目及拍劇,她說:「自己都係focus喺工作,盡量睇吓網上可以做啲乜嘢,現在大家都要乖乖唔好出街,希望(疫情)快啲過咗去,大家都可以回復正常啦。」

採訪、攝影:羅德光、黃曉程

娛聞樂陪你走遍全球追星,即Like「娛果」FB 專頁!
BannerBanner