【去年底已撻着】馮盈盈為鄭衍峰孖住行超市解畫:識行一定係前後腳

更新時間 (HKT): 2020.04.15 13:42

馮盈盈去年底與拍拖4年的醫生男友鍾文浩(Martin)分手後,Martin近日被《蘋果》讀者爆料,指他帶激凸新歡去元朗白泥拍拖睇日落,而馮盈盈日前亦被爆有新歡,對方是大台爆肌小鮮肉鄭衍峰(Leonard),二人因拍攝節目面暗撻着,連60萬的座駕都有借給Leonard用,甚至更指二人大除夕行超市shopping,再與友人去BBQ,她向傳媒否認戀情,自言唔心急拍拖,更笑言叫記者:「唔好搞禍我啲着落。」

馮盈盈雖然不認與Leonard發展地下情,不過她昨日在IG story貼相疑似回應拍拖一事,貼了一張在超級市場弓字腳伸展的動作,更留了hashtag「#行超市識行一定係前後腳」、「#其實邊個唔係前後腳」、「#唔通要雙腳跳」,曲線回應她與Leonard被指大除夕時孖住行超市。此外,盈盈再有在IG story貼了下廚整甜品相,整了梳乎厘班戟,不過就失手整燶,更笑自己失敗乃成功之母。

娛聞樂陪你走遍全球追星,即Like「娛果」FB 專頁!
BannerBanner