【大馬坐月】35歲楊秀惠秘密誕女 疫情下B女平安出世

更新時間 (HKT): 2020.04.27 18:44

楊秀惠其後承認秘婚,選擇低調是因為老公不是圈中人,想不到,連其極低調作風延續到今日,她突然在社交網上報喜,宣佈已經生咗B女!她貼上B女手仔相說:「今年的母親節,我可以以母親的身分慶祝了。相比原定的時間提前收到了最珍貴的母親節禮物,在馬來西亞因為疫情和行動管制的原因,baby出生的過程真的一點也不容易,不斷出現很多變數和突發事件。但慶幸我的女兒終於安全出世了,在這裏再次多謝馬來西亞醫護人員的悉心照顧,預祝佢哋和世界各地嘅醫護人員及大家都可以盡快抗疫成功。」

楊秀惠去年底曾被傳媒影到肚凸凸行街買衫,早前返回家鄉馬來西亞未能返港,在IG與黃翠如chit-chat時貼上舊泳衣相,展示往日美好身段,對於突然升呢成為人母,不少人都表示驚訝。

楊秀惠今日回覆傳媒時再解釋過程一點都不簡單:「多謝大家呀,因為疫情嘅關係,醫院嘅手術室唔係隨時話想做手術就會有,而家手術室主要係留畀啲緊急嘅事故,之不過就算真係好緊急,入院前都要做血液同深喉測試,等報告出咗之後,先可以做手術。我事前要畀個日子醫院,批准先可以做,所以之前一直都唔知邊一日可以,日日都有變動,真係好擔心,好彩之後嘅事都好順利。」問到老公有冇陪入產房,她說:「冇呀,因為疫情,而家醫院唔畀先生入去陪產。」秀惠還說:「BB出世有6磅,佢嘅名同我嘅簡寫一樣,都係VY。」曾在《赤沙印記@四葉草.2》中演楊秀惠二妹的李思欣獲悉好友升呢做媽咪,回覆《蘋果》時戥好友高興:「戥佢開心,恭喜晒,相信一定好似媽媽咁靚女 。」

娛聞樂陪你走遍全球追星,即Like「娛果」FB 專頁!
BannerBanner