晒腿寄意

早前傳出暗撻爆肌主播鄭衍峰嘅馮盈盈，噚日喺Ig上載一張坐梳化晒腿睇緊書名為《A Guide On How To Be Single》嘅靚相，莫非想回復單身？另一邊同樣騷長腿的龔嘉欣，就貼文「想念你．想見你」。

忍者化身

蔡一智噚日喺Ig貼相，囝囝First Choy精力旺盛，着黑衫黑褲將自己包到只露雙眼，喺屋企梳化碌來碌去扮忍者，蔡一智仲讚囝囝掟飛鏢、耍雙節棍樣樣皆能。

自由動力

疑遭無綫雪藏嘅李佳芯，似乎借品牌貼文抒發情感，指每次呼吸或者喘息都令生命增加色彩，讓工作同生活產生動力。當行到晴朗嘅天氣下，可以隨本能自由地出發。

悔棄覓食

宅喺屋企翻睇旅行相已成日常動作，黃翠如噚日上載同唐詩詠嘅自拍旅行照，留言話後悔當日放棄食pizza嘅機會。詩詠極速留言：「因為你話好肚餓，唔等嘞！」