【3月先註冊】前港男吳雲甫宣佈造人成功 明年試玩三人瑜伽

更新時間 (HKT): 2020.05.01 16:05
(IG截圖)

38歲前港男吳雲甫和瑜伽導師女友林瑋如(Jackie)在今年3月註冊結婚,因為武漢肺炎肆虐,所以婚禮一切從簡,在兩家人見證下完成人生大事,不過吳雲甫表示已經ready生小朋友,最好可以生一仔一女!

今日吳雲甫如常在IG貼出與太太齊齊做瑜伽的相片,不過今次相當有意義,他宣佈造人成功!他說:「今次可能係我哋2020年最後一次玩acro yoga,因為吳太個肚越來越大,又越來越重,我應該托唔起佢啦!睇吓2021年,我試吓一家三口玩三人瑜伽。而家先3個月,即係仲有6個月左右畀我度動作,同幫BB改名!」準媽媽Jackie亦在IG留言:「畀你搶閘公佈咗,仲投訴我又肥咗重咗!不過算啦,呢段時間辛苦你啦老公,咁多位,我哋要組織三人家庭啦,各位同學唔使擔心,我會教到生為止的!」

吳雲甫接受《蘋果》訪問,他笑說:「其實今次算係計劃之內嘅事,前年我個妹去拜神求子,之後真係畀佢求到,到咗舊年佢去還神,我同Jackie一齊去,咪順手拜一拜,跟住就成功咗喇!」問到太太目前的陀B情況,他說:「佢都嘔到七彩,嘔到冇乜氣力同心機,呢排因為疫情冇乜班教,我間中喺戶外教健身,所以乘機畀佢唞吓!」雖然吳太已經陀B,不過片中見到有不少難度動作,但吳雲甫說:「我哋已經練咗咗好多次,事前已經諗好晒啲唔會整親嘅動作,而且都認識啲產前嘅瑜伽同運動,所以都安全。」

娛聞樂陪你走遍全球追星,即Like「娛果」FB 專頁!
BannerBanner