【阿嬌閃離】阿嬌與前夫桃花勁旺 麥玲玲指賴弘國難一妻到老

更新時間 (HKT): 2020.05.08 15:50

阿嬌鍾欣潼與台灣「醫界王陽明」賴弘國,結婚14個月閃離,震驚娛樂圈。堪輿學家麥玲玲今日接受《蘋果》訪問表示,二人都屬桃花旺之人,麥玲玲說:「阿嬌本身命格有『天干連兩字』之象,出生月份嘅天干,同出世日子嘅天干都係同一個字,呢類人容易喺婚姻或感情上都係波折啲。同埋佢太凍天時出世,命金水旺,女仔通常靚啲,但感情路上多波折。」

玲玲批阿嬌仍有好多桃花,2022年、2023年又會再重新出發,她補充說:「佢份人幾冇安全感,個命格係要嫁外地,但佢又要好拍拖嗰種感覺,容易唔開心啲,所以兩地分隔又係煩。因為阿嬌本身容易引發三角關係,坦白講再結都係容易波折,結婚時要再收得密少少。」

至於阿嬌前夫賴弘國的命格亦很難一妻到老,麥玲玲說:「佢桃花好勁,感情易惹麻煩,呢類人最適合同一啲年紀上有少少差距嘅伴侶,細好多或大啲就好啲,唔係佢桃花一路走,48-58、58-68都係不斷,如我係佢就唔結喇,費事煩,不斷離離合合。」

娛聞樂陪你走遍全球追星,即Like「娛果」FB 專頁!
BannerBanner