【出爐影帝】太保堅持做綠葉不加片酬收街巿價:希望香港多啲戲拍

更新時間 (HKT): 2020.05.12 21:45
攝影:仇志德

出爐金像影帝太保、最佳女配角區嘉雯,憑同志為題材的電影《叔·叔》中演出獲殊榮,《叔·叔》今晚於圓方舉行慈善首映禮,同時為年長同志非牟利機構「晚同牽」籌募經費,出席演員還包括袁富華、江圖及林耀聲等,而黃耀明、鄧達智、毛俊輝、黎明詩、小肥及雷深如等均到場支持。

今屆金像獎因避疫情改為線上公佈得獎名單,太保未有機會親手攞獎,他指獎座要刻名,所以仍未到手,對於有否遺憾,太保說:「由接拍《叔·叔》到今日,好多專業人士畀到我肯定,唔會遺憾。」之前完成一齣新戲拍攝,太保於數天後又要趕回台灣準備另一部新戲拍攝,但拍攝前亦要接受14天家居隔離,他說:「希望疫情快啲解除,台灣劇組知我喺香港會等埋我。」榮升影帝,太保直言沒有加片酬,他說:「我都係街巿價,做返綠葉,希望多啲戲開,香港多啲戲拍。」

戥太保高興的袁富華表示,二人有相約慶祝。舞台劇戰友蘇玉華與潘燦良結束愛情長跑正式結婚,二人曾表示與袁富華相約,兩對情侶一齊結婚,袁富華指昨日才得悉二人結婚,對於相約協定,他說:「等疫情平定先,我要畀最好嘅嘢我女友,唔係今年就明年,唔係明年就後年,唔好催我。」此外,袁富華日前踏單車不慎意外跌倒拉傷肩膀及手部,幸好傷勢不算嚴重。

憑《叔·叔》演出奪得金像獎最佳女配角的區嘉雯表示,朋友及女兒有請她食飯慶祝,對於未能親身上台攞獎,她反而覺得自在,區嘉雯說:「我冇遺憾,我怕熱鬧,上到台唔知講乜,又要成日笑住,當然唔希望有疫情,但今次幾好,好意外得獎。」區嘉雯首次參演電影便獲獎,她表示若再獲邀請會繼續接拍電影。

娛聞樂陪你走遍全球追星,即Like「娛果」FB 專頁!
BannerBanner