【大台分顏色】李綺雯避與藍絲藝人談政見:連議員係代表市民都唔知

更新時間 (HKT): 2020.05.19 00:30

大家都覺得,在大台做「撐黃」藝人,需要比別人多一份勇氣,因為明知沒有前路,只有——走!o靚妹李綺雯在06年由亞視過檔無綫,做足14年,因為政見問題被TVB雪藏超過半年,今年5月約滿正式離開。

o靚妹日前在被大台藝人視為「禁地」的《蘋果》大樓接受訪問,她笑說:「都好似有7年冇嚟過。」當年有網民發動「萬千熄機賀台慶」,令收視跌至19年新低,無綫遷怒《蘋果》即下令封殺壹傳媒旗下刊物。「作為藝人,覺得少咗一個宣傳途徑。明白係公司與公司之間一個政策,但都有啲驚訝,我哋同傳媒關係,係咪需要去到咁呢?!」

在高層眼中,o靚妹或是一個「唔聽話」的藝人,不是指工作,而是敢於抗命。2014年,香港一場雨傘運動,喚起o靚妹心中一團火,無綫有前線記者遭反佔中人士圍毆,有員工發起網上聯署譴責暴力,結果遭高層余詠珊出言打壓,視此舉為「反公司」,建議不除名便要受懲罰,結果有份簽名的蔡康年除名,o靚妹卻堅持到底。直至去年6月,o靚妹亦將反修例風波看在眼裏,多次在社交網貼出參與遊行相片,又在「連儂牆」前拍照,寫着:「區分人的,不應該是顏色,而是良知。 #香港加油」。

「公司高層有變動,其實你都感受到改變,有啲聲明話嚟緊可能會專注大灣區,但你問我梗係希望喺廣東話或香港市場發展。我唔想拍嘅嘢同現實生活脫節,如果將來香港出現困境,但我都要拍一個歌舞昇平嘅假象,我唔想!」o靚妹知道今次公司態度強硬,即使過去半年一劇接一劇出街,但都沒有機會宣傳,不少身邊朋友都會「提點」她別談政治,o靚妹卻反其道而行:「人哋同我講唔好講政治,但當好多人覺得言論受到威脅、集會受到威脅嘅時候,我覺得藝人更加應該出聲,喺電影電視業,所有創作都需要自由,如果受到壓制,都唔會有一個長久嘅發展,追求嘅應該係質素同內容,而唔係去討好某方面嘅觀眾。」

黃藍路不同,o靚妹平時在公司都避談政見,僅一次反擊:「有次喺公司一齊睇電視,佢哋(沒有開名)話啲議員唔幫政府,我就忍唔住,呢個唔係政見問題,而係常識同基本認知。議員係代表市民,唔係代表政府,你話你支持民建聯OK嘅,投票權喺你手上,但議員唔係官,唔係幫政府管我哋,而係代表市民去表達意見。」慶幸圈中仍找到同路人,o靚妹與大台撐黃藝員李日昇是朋友,更與有傳因參與社運被捕的港男麥凱程傳過緋聞,但她卻不欲多談,怕影響人。

前路茫茫,離巢藝人都擔心零收入,但戲路廣的o靚妹覺得要放眼世界:「現在市場都有好多唔同製作,有外判劇,又有Netflix可以傾,好想香港可以返去以前嘅國際市場,劇本創作空間大,好似台灣最近播出嘅《誰是被害者》都好好睇。」

娛聞樂陪你走遍全球追星,即Like「娛果」FB 專頁!
BannerBanner