【國安法或突襲】鄧小巧夾縫中尋找生存空間 不怕影響音樂創作

更新時間 (HKT): 2020.05.22 17:43
攝影:盧妹

鄧小巧找麥曦茵執導新歌《與人同行》MV,她們今日到商台宣傳。透露盧鎮業、陳漢娜、林耀聲和黃溢濠4位新演員為MV演出,小巧表示4位演員負責較沉重的部分,而自己她代表「光明」,但出現的次數很少:「今次我哋連結咗新演員,亦係連結大家嘅痛。過去呢1年,無論社會定係疫情,大家個心都有唔同嘅痛苦、孤單同難受,我唔係叫大家要堅強,而係搵個人同行,唔係得你一個。」

很難再說政治與普通巿民無關,因為有可能影響日常生活習慣,「港版國安法」有機會突襲,自由可能一下子不復見。對面這個挑戰,鄧小巧可會覺得這些事更令她感到痛苦?她說:「唉!呢個就係我嘅回應,都唔知可以點去回應。我每日都想聽到好消息,但係每日都聽到壞消息,而家只係希望每日壞消息唔好咁多。」至於會否影響創作空間,甚至擔心將來不能暢所欲言?鄧小巧不太擔心創作上受影響,因為她在社交媒體上主要關注大家的感受:「政治嘅嘢有太多面向、太多原因,我冇咁嘅專業同能力去影響人,但係無論咩立場、年紀,都會睇住個社會發展,都會有唔同程度嘅傷痛。我覺得我可以做嘅嘢唔多,就唯有嘗試用音樂去擁抱大家。」

麥曦茵直言不是今天才知道,創作的空間會越來越窄:「大家都有個覺悟,我哋嘅可能性會越來越被操控,如果冇呢個覺悟,我哋好難去創作。我哋要喺個夾縫度,搵到自己想講嘅嘢,然後堅定地去講。」小巧補充,大家都在夾縫中尋找生存空間,認為大家生活在同一城市,無論任何立場的人亦無可倖免:「大家會覺得唔明朗或者擔憂,唯一可以做嘅就係搵人企埋一齊,一齊畀啲力量大家。」

採訪、攝影:盧妹

娛聞樂陪你走遍全球追星,即Like「娛果」FB 專頁!
BannerBanner