【疫市曾免租】梁朝偉物業加租被指趕絕黃店 劉嘉玲:5年未加過

更新時間 (HKT): 2020.05.29 19:42

【新增內容】

大陸昨日通過港版國安法,香港自由備受威脅,亦有人急不及待表忠自保。日前在高登仔的FB網頁,有網民爆料指影帝梁朝偉為土瓜灣北帝街一間地舖的業主,5年前租給一間名為「天園餃子」的黃店。在近日各行各業備受疫情影響,紛紛減租情況下,偉仔北帝街地舖卻逆市加租。據知,租金由原先的4萬餘元加到約5萬,加租2成,而其他附帶條款都頗辣,所以該店已決定不再續租。

有網民質疑是有人藉加租跟黃店割席,留言話「是否打算在國安立法前自保?所以逼走黃店」,亦有人認為「唔理係咪針對黃店 逆市加租都係X街」,亦有較理智的網民話「唔係想幫佢講說話,但呢啲嘢9成係交畀老婆打理」。事實上偉仔擁有眾多物業,單是2014年,他在土瓜灣買入3間舖,一般這類出租業務,業主都會交由管理公司打理,業主很少過問。

「天園餃子」老闆娘Yen今日接受《蘋果》訪問,她表示由點心店到現在上海餃子店,在上址已經營5年。對於黃店身份,Yen說︰「我同老公都支持年輕人,唔係刻意做黃店,係新年送咗啲蘿蔔糕畀『手足』,得到大家同同路人支持。」她又表示武漢肺炎時得到大家的支持和買外賣,加上家庭式經營,所以生意叫做可以。至於今次管理公司加租,她認為不合理︰「合約講明5年後可按市價調整,不過一加就加到5萬蚊,太貴。而管理公司態度係『你唔租我仲有客租』,仲要我2星期搬走,後來先通融畀返一兩個月。」除了租金,Yen覺得租約內容亦太辣,一般食店租約都會是3至4年死約。不過新租約只肯簽1年生約、1年死約,到後來才加至兩年死約,所以覺得對方沒心租︰「種種手法係想趕我哋走。」

Yen透露當年簽租約時已知業主是梁朝偉,因為租單有對方的簽名。不過簽約同入票都是跟一間名為金壤有限公司接洽(金壤公司董事為梁朝偉)。老闆娘覺得偉仔不太理會這些生意,都是交由管理公司負責。相信近日換了管理公司,所以加租博取表現,對於有網民指是想趕絕黃店,Yen說︰「我唔知,真係冇證據,應該係管理公司問題。疫情時都有3個月係減一半租,我就覺得係梁朝偉主意。」稍後「天園餃子」會搬到同一條街的店營業,地方大了租金貴了1萬多元。她說新店會繼續張貼文宣,至於即將來臨的國安法,她說︰「照貼當係歷史回憶囉,咁都唔得真係要諗移民。不過出生就喺香港,要移民都唔知走去邊。」

偉仔經理人劉嘉玲回覆《蘋果》表示:「梁生因工作關係一直不在港,而且我們的一切物業事宜等有專人及律師處理。據我所知,疫情期間梁生已先後減免租幾個月,而且租金由2015年起從未變過。」

娛聞樂陪你走遍全球追星,即Like「娛果」FB 專頁!
BannerBanner