日頭探老婆 夜晚𠱁仔 陳小春指大仔妒忌細佬

更新時間 (HKT): 2020.06.01 02:20
小春昨日在醫院表示細仔樣子似媽咪。

現年52歲的陳小春與36歲太太應采兒於大前日在微博宣佈細仔出世消息,再度榮升為父親的陳小春,昨日到養和醫院探望太太及細仔,小春表示細仔乳名叫Hoho,取其「好好」之意,太太剖腹產子過程順利,他也有入產房陪產,問到有否剪臍帶:「唔敢,畀醫生做,手術費包咗㗎嘛!」連日來在屋企與醫院之間頻頻撲撲,他笑指開始感到有點勞累,只等待太太出院回家休息。

夠皮唔追女兒

談到再任父親心情,小春指感覺比上次實在得多,第一胎時完全不知所措,他說:「今次出咗嚟有咗個印象,加上呢個樣似老婆多啲,我都安心晒,哈哈,戥返勻多啲。」會否考慮再追個女?他說:「辛苦,唔啦!夠皮,一家四口,成雙成對。」問到這幾日是否時時刻刻陪在太太身邊,小春反問:「可以唔陪咩?今晚就返去逗一逗個大仔先。」大仔陳胤捷(Jasper)是否感到抑鬱?小春坦言:「嗰啲囉,想講嘢……佢平時好多嘢講㗎嘛!講唔出,哎!」小春指細仔出世翌日,身為哥哥的Jasper已到醫院探望,並表示很開心,但回家後卻有點妒忌出現,小春說:「今日佢唔係咁舒服個感覺,所以今晚返去𠱁吓佢,唔好咁啦!多少有啲……其實佢之前有問過我『咩叫jealous』吓!jealous,我唔識答佢。」小春想了想又再關心Jasper問:「你最後一次jealous係點樣?」他指Jasper也嘗試講出感受,小春再加以解釋說:「妒忌咪冇……想要有,最後諗咗no big deal,冇乜大不了,你唔好妒忌,情緒嚟啫!你唔諗就唔會有。佢知我嘅解釋,唔明就再諗,點解釋畀佢聽乜叫妒忌啫!冇得解釋。」

陪睇波踏單車

娛聞樂陪你走遍全球追星,即Like「娛果」FB 專頁!
BannerBanner