「失婚」變姓氏自認性冷感

更新時間 (HKT): 2020.06.25 02:20
裕美大讚意大利前男友Alex靚仔,笑說林作不是她的type。資料圖片

裕美大前年被爆戀上意大利籍男子Alex,前年分手收場,外界一直有指林作撬牆腳,裕美為林作平反︰「唔係,佢有能力撬至得,你知我鬼佬男友幾靚仔,林作根本唔係我嘅type,但佢令我學習到女仔追求浪漫、激情唔實際,原來價值觀、溝通至長久。」她又大讚林作:「對我超級好,我第一次感受到俾人當公主去看待。」

在2016年失婚後,裕美變成「失婚裕美」,更指她背夫偷食黃子恆,她表示:「好多報章都寫『失婚裕美』,呢個字已經離唔開我,好似我嘅姓咁。報章雜誌成日話佢好有錢,其實佢一啲錢都冇,離婚時一蚊都冇收佢,我講到明只係想離婚,原因真係好唔夾。再加上對方真係有對我做出暴力行為,嗰段時間,佢心知我搬出去同一個女仔朋友住,唔係黃子恆。」

裕美又言:「好多報章話我好花心,可能我個樣好蠱惑好姣,但其實我係唔姣,亦係性冷感,我冇特別需要、喜好,但啲人覺得我好花弗,坦白講我冇媾過仔,一個女仔好,你唔使媾,啲男仔會鍾意你。」問到性冷感如何跟林作協調,裕美尷尬笑說:「其實呢啲嘢都唔係太重要嘅,我自己冇強烈需要啫,我想澄清返,大家話我姣,但其實我唔係一個對呢方面好有需要嘅人。」問到林作是否配合到,她說:「冇乜特別,人年紀大,有冇都冇所謂,哈哈。」

娛聞樂陪你走遍全球追星,即Like「娛果」FB 專頁!
BannerBanner