【結婚4周年】趙詠瑤宣佈陀B仔 爆老公反應超冷靜

更新時間 (HKT): 2020.06.29 19:50
(IG圖片)

28歲趙詠瑤(Kimi)以ViuTV選美節目《美選D.n.A》出道,比賽期間跟拍拖4年圈外男友結婚,之後以人妻身份繼續參選,可惜在20強止步。結婚4年後,即將迎來小生命,Kimi趁結婚4周年紀念,今日在IG公佈懷孕喜訊,寫道:「結婚4周年快樂。原來我們不經不覺已經一齊咗8年,好多謝呢8年來你對我的無微不至。好多人可能需要很多物質上的東西,但對我而言,你的陪伴遠比一切物質重要。由男朋友,到老公,到而家要做BB爸爸了,你都係一個24孝男友,24孝老公。我相信將來你都會係一個24孝爸爸。BB爸爸,遲來啲父親節快樂。以後繼續多多指教。」

Kimi今日接受《蘋果》訪問,她說:「我而家啱啱好三個月,其實冇咩嘢特別,只係間中胃頂住頂住,個個問我有冇嘔,我又冇嘔,算係陀得幾舒服,BB幾錫我,啱啱知時我反應最大,我喺廁所驗完出嚟,遞支棒畀老公睇,佢好冷靜同我講『哦!有咗呀?』我話佢冇咩反應,佢又問我想唔想要,我話想要,佢就話好,就係畀咁嘅反應我。」Kimi宣佈陀B仔:「我同老公都想生女,因為可以幫女扮靚,而家先生仔後追女,奶奶都會開心啲。」

-----------------------------

娛聞樂陪你走遍全球追星,即Like「娛果」FB 專頁!
BannerBanner