【父子情緣薄】袁弓夷敢作敢為到美國為港人發聲 袁彌昌:我唔會亂咁講

更新時間 (HKT): 2020.07.04 00:31

「袁弓夷金黃到爆,點解有個藍絲仔袁彌昌」、「袁彌昌仲話中立,兩邊都唔係人」,網民近日熱烈討論袁彌昌和袁弓夷的政見和人格。袁彌昌日前在灣仔接受《蘋果》專訪,決定為自己解畫。

當袁彌明的71歲商人爸爸袁弓夷為保香港自由民主,親力親為打國際線,去信美國總統特朗普和美國國務卿蓬佩奧,請求他們出手幫助港人。袁弓夷又無懼疫情和頻撲堅持飛到美國華盛頓,會晤眾議院共和黨議員佩里(Scott Perry)和美國共和黨眾議員約霍(Ted Yoho),他這份心意,令港人感動。

不過近日宣佈加入自由黨榮譽主席田北俊發起的希望聯盟的袁彌昌,卻不認同父親的舉動,他在電台開咪指出爸爸行錯方向,更用「悲劇」來形容。6月30日通過《港區國安法》,坊間擔心袁弓夷會被指勾結外國勢力而踩線,或遭秋後算賬,敏感期間着實不宜回港,袁彌昌說:「我就係驚,真係唔敢叫佢返嚟,我都唔想佢返嚟。譚耀宗話唔會有死刑,但有終身監禁,上面話無期徒刑,我絕對唔會畀佢冒呢個險,要諗吓佢年紀唔細,到咁大年紀先返唔到香港,我先咁大感觸。爹哋個人絕對唔可能係一個悲劇,《國安法》令我哋家庭唔可以團聚,我唔知幾時先可以見到爹哋,佢又見唔到兩個孫女,《國安法》一下子嚟到我哋屋企,咁樣拆散我屋企就係家庭悲劇。」

袁彌昌跟袁弓夷父子情緣薄,主因是父母早年仳離,袁弓夷經商不時出國,與子女聚少離多,「父母好早分開,我同姐姐妹妹,小一就入讀寄宿學校,兄妹一星期先見一次,好多時一個月都見唔到爹哋一次。」71歲的袁弓夷近兩年開始把生意交棒囝囝,父子共事溝通才多了,袁彌昌說:「近呢兩年我返去幫佢手做生意,多咗溝通,傾好多偈,同佢重新建立關係,所以好欷歔《國安法》我哋唔可以再喺香港見面,而家想深入了解都唔得,咁點算好?唔通我次次都帶埋啲女飛去第二度見佢?雖然佢以前成日漂泊,但唔代表佢要繼續係咁……佢返唔到嚟香港,好遺憾見唔到我哋幾個。」

每次出來都自稱中立的袁彌昌,早前加入希望聯盟的他在訪問當日表示自己政治取向非黃亦非藍,也不是中立:「中立係不偏不倚,我哋為港人利益着想,中間同中立好大誤會,我哋講事實,係『事實派』。我哋嘅方向係想香港向前行,政治本身要做決定,然後有所行動,而家係一邊只聽北京講,另一邊就係咁反對,拉拉扯扯令議會失效。」訪問當日,他自圓其說想做「和事佬」:「想喺呢個形勢之下先令大家停火。」

娛聞樂陪你走遍全球追星,即Like「娛果」FB 專頁!
BannerBanner