「如花」李健仁中風開腦保命 
田雞:睇吓點幫佢籌款

更新時間 (HKT): 2020.07.07 02:20

講說話口窒窒忘往事

《蘋果》致電其好友田雞,他證實李健仁於去年出事,他說︰「其實係舊年8、9月時,當時都未有疫情發生。」田雞表示得悉李健仁當時在深圳出事:「佢多數喺大陸做嘢,嗰日佢去咗焗桑拿覺得唔舒服,好彩佢有助手喺身邊,即刻送佢入院。」

田雞表示李健仁情況一度嚴重,尚幸在深圳接受開腦手術救回一命,他說︰「我有去醫院探過佢,佢都認得我,但始終佢開過腦,有啲嘢都係唔記得,講嘢就一時時,有時好順,有時會窒吓窒吓,佢之後返咗香港,𠵱家喺屋企休養緊,做緊物理治療。佢返咗屋企後,因為有疫情我都未有去探佢,同佢太太保持溝通。」李健仁與太太結婚多年,婚後育有兩女一子,李健仁曾透露,長女已是索爆人妻,而二女是位心理醫生,兒子是公務員,一家人關係十分好。而李健仁回港後,除了獲太太悉心照顧,子女們亦經常想方法𠱁他開心,用正能量鼓勵爸爸努力去做不同治療,李健仁正逐漸康復中。

問到田雞,李健仁出事後可有經濟壓力?他說︰「肯定有,我哋都有傾過,睇吓點樣幫佢定籌款,但係跟住有疫情,未有再跟進。」

黃一飛送暖不敢打擾

據悉星爺得悉李健仁中風一事,更有意為他籌款,不過田雞隨後接受傳媒訪問,否認籌款一事,只透露電影圈中人都知道李健仁中風,星爺應該知道。另外現居於深圳的黃一飛身為李健仁好友,接受傳媒訪問亦指知對方中風,但他指自己一把年紀幫不到甚麼,甚至不方便問太多,只能希望他早日康復。

李健仁在1992年以男扮女裝客串《武狀元蘇乞兒》展開幕前工作,1994年他在《九品芝麻官》飾演「如花」一角更成為他的代表作,「如花」成為觀眾對他的暱稱。不過,雖然「如花」令他成名,李健仁卻曾在內地真人騷節目表示,身為爸爸的他對家人感到抱歉,因為擔心「如花」形象太差,會令子女被人看不起。

娛聞樂陪你走遍全球追星,即Like「娛果」FB 專頁!
BannerBanner