【賭王設靈】汪明荃頭披黑紗單拖拜祭 讚何鴻燊年輕時靚仔

更新時間 (HKT): 2020.07.09 18:41

賭王何鴻燊的喪禮第二天在香港殯儀館舉行,身為賭王治喪委員會成員之一的汪明荃(阿姐)在下午5時45分左右到場,一身素服、頭披黑紗的她獨自到場拜祭,記者邀請她受訪,阿姐手指一指殯儀館,示意要先拜賭王,才接受訪問。

阿姐表示自己在多個慈善活動中與賭王碰頭:「自己喺呢個圈都做咗幾十年,好多慈善活動,例如有啲慈善賽跑、籌款活動等都有機會見面,有傾過偈,曾經合作過唱歌。」問到與賭王之間有何難忘事,阿姐笑言:「何生好風趣,講嘢好好笑,風度翩翩,而且後生時好靚仔。」

阿姐續說:「好懷念佢,因為佢做咗好多善事。(覺唔覺得何生離世會係好大嘅損失?)年紀大咗,有啲嘢都好難免嘅。」

另外,「殼后」朱李月華今日亦有到殯儀館向賭王道別,她離開時表示:「佢(賭王)嘅離開無論對香港抑或澳門都係好大損失,識咗佢28年。最難忘佢嚟參加我哋嘅慈善活動。佢風趣又幽默,對人好好,每次有佢嘅場合,都帶畀大家好多快樂,佢所講嘅說話同做嘅事都令我好深刻。」

而王賢誌在下午近6時離開,問到他與何生之間有無難忘事,他只微笑示意,沒有受訪。

娛聞樂陪你走遍全球追星,即Like「娛果」FB 專頁!
BannerBanner