【尊重前輩】梁漢文稱被校長捉住影相 貼《正氣歌》MV:我問心無愧

更新時間 (HKT): 2020.07.14 14:44

2020年的香港,政治取態已無可避免地成為香港人優先考量的因素,早前梁漢文與譚詠麟、陳百祥、李克勤等「明星足球隊」以波會友,賽後更與警方高層謝振中踢波大合照,阿倫更在微博上載該張合照,結果梁漢文被網民到IG留言洗版指摘及表示失望。

今日梁漢文於個人FB專頁表示,自己只是單純地影一張相,卻被千夫所指,梁漢文寫道:「等咗半年先踢到一場波,估唔到依家踢場波難,原來做人更難。踢完走,校長拉住話影張相......做人應該尊重前輩..... 影張相,原來會被人覺得犯下彌天大罪。天下判官何其多,我問心無愧便是了。 #明就明 #唔明我都冇咩好講 #多謝默默關心緊張問候我的所有朋友」,更附出自己的作品《正氣歌》,似乎一張合照已令梁炳「躺着也中槍」。

梁漢文此po一出,引來不少網民留言,有fans表示「梁生,加油,問心無愧便是了!」、「在心中!」、「加油喎,做人嘅野無乜所謂啦,問心無愧便可以啦!」、「倫伯玩你咋,俾人利用都仲唔知。」、「前輩要尊重嘅,但唔好盲目囉,老唔係大晒嘅!」但亦有網民留言表示「我唔會再支持啲是非黑白都分唔清嘅人」、「本身藍屍想支持你 而家見到你都唔係真心支持謝蛇,對你好失望,以後唔會再睇你演唱會。」

娛聞樂陪你走遍全球追星,即Like「娛果」FB 專頁!
BannerBanner