【逆巿靠外賣】鼎爺山頂新店延期半年開張 期望生意興隆

更新時間 (HKT): 2020.07.23 17:19

肺炎疫情下,食肆生意大減,業界叫苦連天,主持《阿爺廚房》的李家鼎(鼎爺)與友人合資的食店「鼎尚棋哥燒鵝湯館」,今日逆巿於山頂廣場開幕,鼎爺與兒子李泳豪,今日為食肆主持剪綵開張儀式。

對於會否擔心政府再收緊食肆措施,鼎爺說:「唔可以講擔心,只有認命啦。我哋跟足政府要求,人哋都係想你好,量體溫等我哋都做足。」

鼎爺透露,因為疫情影響,新店已經由原先1月開張,3度延期至今日,對於限制食客人數及禁晚巿堂食措施,鼎爺說:「最緊要係生意興隆,冇得驚,順其自然,做咗咁耐,幾個拍擋對我有信心。」為應付肺炎疫情,鼎爺新店除了限制食客座位及裝設膠幕阻擋飛沫,餐館門口又增設全身消毒噴霧機,為每位踏入店舖的客人消毒,鼎爺即場示範,表示可以由頭到腳消毒,據知該消毒機每月租金要4,000多元。

至於有何招數逆巿生存,鼎爺透露靠外賣之餘,衞生環境亦要做得好,全店座位超過80,另設有戶外座位招呼攜犬隻客人,而食物質素亦重要,他指燒肉是即日燒製,外賣湯包亦是其主打,他說:「外賣湯包可以攞返屋企存放兩、三年冇問題,食之前攞出嚟煮就得,經我哋研製出嚟,可以媲美太空食物。」

鼎爺表示最近旗下餐廳生意還可以,負責集團網站的李泳豪補充,除了做外賣還有鼎爺其他產品,李泳豪說:「之前好多人問下午有冇得飲茶,我哋5月18日開始做埋茶巿,啲客都敢出街食飯,生意都OK。」此外,鼎爺透露,之前不時與孫兒行山,但因為疫情暫時減少外出,他說:「因為細路仔抵抗力弱啲,以防萬一,暫時唔行。」

娛聞樂陪你走遍全球追星,即Like「娛果」FB 專頁!
BannerBanner