【新城冷清】范振鋒帶齊口罩手套返台直播 拍檔薛家燕家中冇罩開咪

更新時間 (HKT): 2020.07.25 18:10

娛樂圈染疫群組疑有擴大趨勢,繼女歌手施匡翹在潛伏期間曾到新城做訪問後,新城知訊台執行總監程凱欣宣佈中招,雖然新城進行過一輪大消毒,但今日再有新城營業部男員工初步確診,該員工曾跟程凱欣食飯。今日新城電台照常運作,記者不能內進,門口沒保安、接待處亦沒有員工,非常冷清,只是間中見新城內有員工經過,但未見有人出入。

新城DJ范振鋒日前表示檢查報告呈陰性,今日跟另一DJ思敏返新城做直播。之前有傳新城高層曾禁止DJ開咪時戴口罩,阿范今日開咪時裝備十足,不但戴口罩,還有戴手套保護自己,兩人今日聯同在家視像連線的薛家燕一同做節目。家燕的病毒檢測呈陰性,她盡量居家避疫。

阿范和思敏人做完節目後接受記者訪問,二人指做節目中得知再有新城員工初步確診,阿范直言:「擔心就梗係擔心嘅,但知道做媒體冇辦法,一入電台做已經知道操守,打風、黑雨都要做。」阿范謂程凱欣確診前,有朋友坐過的士,懷疑司機確診,阿范又曾跟該友人食飯,自己到私家醫院檢查:「之後就係公司安排,最後一次喺星期四,因為啲人話驗完若剛確診會驗不到,所以再驗。」等待報告期間心情特別緊張。阿范表示今日開咪前老婆李思欣預備眼罩給他,二人在家沒有分房瞓。有傳程凱欣曾禁止DJ開咪時戴口罩,阿范否認:「冇聽過,之前有節目嘉賓,大家都戴口罩。」

阿范今日在新城大消毒後首次回到公司做節目,二人指公司未有指明要返台開咪,可以選擇留家直播,他們覺得公司在7月19日和22日都先後進行消毒,相信安全。節目另一主持薛家燕今日在家開咪,阿范亦有了解對方情況:「佢都驗過2次,佢唔敢出街,知道呢個病對年長嘅人較危險,街都唔出,佢話新抱煮咗嘢食都只係放喺門口,佢完全自我隔離。」而思敏後日將會跟「啤梨」葉文輝早上有節目,暫未知公司的安排。兩人又透露新城有提供口罩給員工,公司亦有空氣淨化機,遲啲會安排智能體溫探測器。

-----------------------------

娛聞樂陪你走遍全球追星,即Like「娛果」FB 專頁!
BannerBanner