【夏娃兒】「馬國網紅」張安琪視古天樂做夢中情人:佢好靚仔

更新時間 (HKT): 2020.08.02 00:30

23歲馬來西亞網紅張安琪(Angela),憑甜美樣貌及魔鬼身材,被封「馬國劉佩玥」。去年書展,Angela在香港首次推出個人寫真集,今年再度出擊,更在台灣墾丁和宜蘭取景拍攝,有超過20個不同造型,性感唯美和生活化都有,她希望趁青春留個紀念。

Angela人氣高企,單是IG已有超過100萬followers,去年在書展遇上前輩謝賢(四哥),竟有幸獲謝賢主動要求影合照兼「抄牌」,令她非常難忘。她說:「記得我係書展前一日到達會場,咁啱遇見正在飲茶嘅四哥,第一次見真人,佢真係好man、好型,我爸爸好鍾意睇佢嘅劇,我知有《千王之王》,所以特別同佢合照。佢話我好靚女,我都話佢好靚仔。佢有叫我send返相畀佢,但我唔好意思同佢交換電話,我有啲怕醜。」

Angela在15歲便入行工作,坦言要努力搵錢養家及供妹妹讀書。因工作關係,Angela經常要飛往不同地方,認為每個地方的男仔各有特色:「香港嘅男仔好勤力同man啲,台灣男仔就夠體貼同溫柔,馬來西亞嘅男仔就中間,喺溫柔同man之間。香港男仔唔錯,可以考慮。」而她的夢中情人如很多年輕少女一樣,都揀古天樂:「佢好靚仔,睇佢嘅戲,我覺得佢好善良。」她希望將來可以在香港發展,有機會與夢中情人合作。

娛聞樂陪你走遍全球追星,即Like「娛果」FB 專頁!
BannerBanner